छत्तीसगढ़िया संस्कृति अउ अस्मिता के प्रतीक तिहार हरेली ला लेके प्रदेश म एक ठन बड़े सांस्कृतिक आयोजन के रूप म “जबर हरेली रैली” के आयोजन 20 जुलाई, इतवार के दिन भिलाई म होवत हे। छत्तीसगढ़िया क्रान्ति सेना के बैनर तले होवत ये रैली अब अपन आठवां साल म पहुंच गे हे।
रैली के मुख्य बिंदु:
📍 रैली प्रारंभ: अंबेडकर चौक, पावर हाउस, भिलाई
📍 समापन: दशहरा मैदान, रिसाली सेक्टर
📅 तारीख: 20 जुलाई 2025 (इतवार)
⏰ समय: बिहान 10 बजे ले
का होही खास:
🔸 परंपरागत बईला गाड़ी के जुलूस
🔸 सुआ नृत्य, पंथी, करमा, कमार नाच, गेड़ी पर नाच अउ गड़वा बाजा के थिरकन
🔸 मंचीय प्रस्तुति म छत्तीसगढ़ी गीत-संगीत, राउत नाचा, डंडा नृत्य, अखाड़ा प्रदर्शन
🔸 पंडवानी, रंग झरोखा सांस्कृतिक मंच म परंपरागत झलक के संग दर्शक मन ला बांधे राखही
नेवता संग-संग संदेश:
मयारू संगवारी हो, ये हरेली के तिहार म अपन परिवार संग आप मन जरूर पहुंचव। ये आयोजन सिरिफ एक रैली नई, बल्की छत्तीसगढ़ के बोली, भाखा, रहन-सहन अउ गौरवशाली परंपरा के जीवंत प्रदर्शन आय।
🎉 “हरेली के रंग – छत्तीसगढ़िया क्रान्ति सेना संग” 🎉
आवव संगवारी हो, अपन माटी के गंध अउ गौरव म सराबोर होके, एक संग झुमन।
